Ако на некој колач му одговара фразата „едноставно и вкусно“, тогаш тоа важи за оваа јогурт пита. Штом ќе го прочитате рецептот ќе се уверите дека воопшто не е тежок за приготвување. А добивате врвен колач кој мами со својот изглед, мирис и вкус.
Потребни состојки:
170 г путер
250 г брашно
1 прашок за печиво
100 г шеќер
1 ванилин шеќер
4 жолчки
За ФИЛ:
4 белки
100 г шеќер
3 чашки јогурт
2 чашки кисела павлака
5-6 лажици брашно
Кора од непрскан лимон
Постапка за приготвување на тестото:
Изматете го путерот со шеќерот, додадете жолчки, а потоа брашно измешано со прашок за печиво.
Тестото поделете го на два дела. Еден дел развлечете го, па ставете го во калап да се пече, а вториот оставете го во фрижидер.
Постапка за приготвување на филот:
Белките изматете ги со шеќер и додадете рендана лимонова кора. Во друг сад промешајте јогурт и кисела павлака, а потоа со постојано мешање (за да нема грутчиња), додадете брашно. На крај додадете ги и белките во оваа смеса.
Тестото во калапот ставете го во загреана рерна на 180-200 степени и печете 10-тина минути. Извадете, па врз запеченото тесто истресете го филот, израмнете и вратете во рерна да се фати коричка.
Повторно извадете од рерна. Извадете ја од фрижидер втората половина од тестото , па изрендајте ја преку филот. Вратете во рерна па до крај испечете.
