Тоблероне е вкусот кој буди слатки и вкусни емоции. Ви нудиме евтина варијанта на овој десерт, за сите сетила и генерации.

Потребни состојки:

150 г путер/маргарин

200 г чоколадо за готвење

2 лажици мед

200 г шеќер

200 мл кока кола

200 г бисквити

150 г сечени ореви

ЗА ГЛАЗУРА:

малку путер/маргарин

50 гр чоколадо

Постапка:

Калап во форма на триаголник се обложува со хартија. Ако немате, само поставете преграда од цврст картон накосо и дијагонално во правоаголен калап и добро обложете со проѕирна фолија. 

Во тава на оган се става мешавина од кока кола, шеќер, маргарин и чоколадо.

Откако ќе се стопат и соединат се додаваат искршените бисквити, оревите и медот.

Смесата се изедначува и се става во калапот за колачи, па одозгора се прелива глазурата која ќе ја направите со маргарин и чоколадо растопени и соединети на оган.

Откако ќе се олади, исечете триаголници и украсете по желба.