Ако колачињата ги исечете со модли во облик на срце и ги потопите во чоколадо, ова дефинитивно станува “полуситен колач” кој без размислување треба да го запишете во овогодинешниот список на новогодишни колачиња.
Потребни состојки:
(Мерата е чаша од 200 мл)
1 1/2 чаша брашно
1 чаша шеќер
1 1/2 чаша млеко
3 лажици масло
5 лажици џем од кајсии
1 лажица сода бикарбона
1 лажица додаток за меденици од Dr. Oetker
За фил:
5 лажици џем од кајсија
100 г рендано чоколадо за готвење
За глазура:
150 г црно чоколадо
3 лажици масло
Постапка:
Во еден сад измешајте ги сите суви состојки, па постепено со миксање додадете млеко, масло и џем.
Добиената смеса која е доста ретка излејте ја во мерен сад за полесно да ја поделите на два еднакви дела.
Би требало да добиете 800 мл смеса.
Во намастен и побрашнет плех излејте поливина од смесата и печете на 175°C 15 минути. Извадете од рерна па веднаш внимателно премачкајте со џем и рамномерно наросете со рендано чоколадо.
Излејте го и вториот дел од смесата па вратете во рерна и печете уште 30 минути.
Печениот колач изладете го, сечете со калапче во облик на срце, натопувајте во чоколадна глазура и оставете да се стегне.
Остатоците после сечењето на срцата искористете ги така што ќе ги изроните ситно, ќе додадете две лажици рум, па ќе направите мали топчиња со влажни раце и ќе ги валкате во чоколадо, а по желба ќе ги украсите.
recipeci.com
