Потребни состојки за биксвит од палента:
150 г инстант палента
4 јајца
200 мл густ јогурт
100 г шеќер
½ кесичка прашок за печиво
Прстофат сол
200 г чоколадо
100 г путер/маргарин
50 мл минерална вода
За прелив: 150 мл чоколадно млеко
За декорација:
50 г растопено бело чоколадо
2 лажици слатка
100 г чоколадни топчиња
Постапка:
Растопете го чоколадото и путерот па оставете да се излади. Палентата прелијте ја со минерална вода и јогурт, измешајте и оставете.
Раздвојте ги жолчките од белките. Од белките изматете цврст снег.
На жолчките додадете им шеќер, пенасто изматете ги, измешајте ја смесата од палента, растопеното млако чоколадо, прашокот за печиво и на крај постепено додадете ја пената од снег.
Смесата истурете ја во тркалезен калап за торта (24 см) обложен со хартија. Печете во претходно загреана рерна на 180 степени, околу 20-25 минути. Проверете со чепкалка.
Печениот бисквит извадете го од калап, тргнете ја хартијата, избодете со чепкалка на повеќе места.
Прелијте со чоколадно млеко. По желба украсете со чоколадни топчиња и растопено бело чоколадо во слатка павлака.
Оставете во фрижидер да отстои најмалку 1-2 часа.
