Потребни состојки:
500 г меко брашно
1 јајце
250 мл вода
½ коцка квасец
3 лажици масло
1 лажица шеќер
1 лажица сол
За премачкување:
200 мл кисела павлака/цврст јогурт
1 јајце
1 лажица масло
Оригано/власец/сол
100 г кашкавал
Постапка:
Од наведените состојки замесете меко тесто и оставете го да кисне еден час.
Тестото е доста меко па набрашнете ја добро површината на која ќе ги формирате лепињите, отприлика 10-12 парчиња.
Секоја лепиња премачкајте ја со смеса од јогурт и јајца, зачини, па наросете рендан кашкавал.
Оставете ги да отстојат 10 минути, па печете ги на 220 степени, околу 10 минути во претходно загреана рерна.
Послужете ги топли со јогурт или кисело млеко.